ВАЖНА НАПОМЕНА: КРАЕН РОК ЗА ПОДНЕСУВАЊЕ НА АПСТРАКТИТЕ Е 30^ти МАЈ, 2022 ГОДИНА

Научниот одбор ги поканува авторите да ги пријавуваат своите трудови во согласност со наведените теми на научната програма.

Апстрактите треба да бидат напишани на англиски и македонски јазик.

Подолу во текстот се наведени инструкциите за подготовка на апстрактот.

Поднесување на апстрактот преку интернет

Апстрактите можат да бидат поднесени само преку веб страната на конгресот: www.msd.org.mk каде што чекор по чекор ќе бидете водени низ постапката за поднесување на апстрактот. Апстрактите пратени по пошта или факс нема да бидат земени во предвид.

Во формуларот за испраќање на апстрактот треба да бидат внесени контакт информациите на авторот на трудот, имињата на коавторите, насловот на апстрактот и текстот/содржината на самиот апстракт во полињата кои се означени за тоа. Насловот на научниот труд (вклучувајќи ги и празните простори) не треба да биде подолг од 100 знака, додека самиот апстракт треба да има максимум 300 зборови. Секој учесник може да е носител на два труда, а бројот на авторите во трудот да не е повеќе од 6 лица.  

Текстот на апстрактот треба да биде организиран и поделен според следниот формат: Цел; Материјал и Метод (или Предмет на испитувањето); Резултати; Заклучоци (констатација од типот „резултатите ќе бидат дискутирани“ е неприфатлива).

Конгресни теми

Изберете една од наведените конгресни теми кои се предвидени со научната програма на Конгресот:

• Дигитална стоматологија
• Менаџмент на пациенти со синдромски заболувања
• Менаџмент на пациенти со расцепи – ортодонтско-хируршки третман
• Третман на пациенти со опструктивна апнеа
• Орто-перио третман
• Имплантологија
• Ортодонција
• Протетска рехабилитација
• Стоматологија во детска возраст
• Реставративна/ Естетска стоматологија
• Ендодонција
• Орална патологија
• Орална и максило-фацијална хирургија
• Менаџмент на пациенти со дисфункција на темпоромандибуларниот зглоб
• Дентални материјали
• Стоматолошка етика и деонтологија
• Слободни теми

Се избира преферираниот тип на презентација на научниот труд во полето кое е за тоа означено на формуларот за поднесување на апстрактот и истата може да биде:

• Постер
• Усна презентација.

По пополнувањето на формуларот за научниот труд и испраќањето на истиот, веднаш добивате потврда на Вашата електронска адреса (e-mail) заедно со референтен број доделен на апстрактот и лозинка.

Известување за прифатеност на научниот труд:

За разгледување на испратените апстракти одговорен е Научниот Одбор на Конгресот кој најдоцна до 6^ти  ЈУНИ 2022 година треба да поднесе извештај за прифатеноста на истите. Секој автор и презентер ќе биде известен преку електронското сандаче за прифатеност/одбиеност на научниот труд и ќе добие детални инструкции за подготовка на презентацијата.  

Линк за on-line испраќање на апстрактот